الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
نَفس ونريد شمك يا هوانه
العمر ذلة بغيابك يا هوانه
اتيه الروح يمك يا هو انه
وخيالك مرها دلاها عليه
افز من يكَبل وليفي وفر بيه
واشبكَه ومن فرحتي اركَص وافر بيه
اذا بالشتا .. وجو بارد .. ووفر بيه
احس تموز حضنه يصير اليه
ـــــــــــــــــــــــــــــــــــــــــــــــــــــــــــــــــــــــــــــــــ
دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية
احباب النحبهم مارادونا
جفونا وبجفاهم مردونا
ولك صرت طوبة واليلعب بيها مارادونا
مدكولي بعد يا كولجي يلحك علية